Iceland

„Ofurfljótlegur drykkur sem auðvelt er að útbúa“: Ítarleg álitsgjöf um nýja Formula 1 máltíðardrykkinn með gómsætu bananabragði

FORMULA 1 snýst um að hjálpa fólki sem lifir erilsömu lífi að halda sig við heilnæman lífsstíl – hér í framhaldinu er þessu vel lýst af bloggaranum Gemma Louise, sem er önnum kafin mamma! Lestu áfram til þess að kynna þér hugrenningar hennar um Formula 1 með gómsætu bananabragði, sem tilheyrir nýrri kynslóð af þessum máltíðardrykk.

Fljótleg og auðveld máltíð sem kemur þér út úr dyrunum…

Ég veit ekki með ykkur en fyrir mig, sem móður tveggja ára barns, getur verið verulega mikið að gera í lífinu – sérstaklega þegar ég er að reyna að gera mig tilbúna á morgnana. Ég er mamma og hef valið að stunda vinnuna mína heima. Fyrir mig snúast morgnarnir venjulega um að hlaupa um húsið að elta strákinn minn sem þeysist um eins og stormsveipur. Ég reyni að gefa honum sex mismunandi tegundir af morgunverði þar til hann gefur loksins einni þeirra grænt ljós og reyni um leið að gera okkur bæði tilbúin án þess að brotna niður andlega. Allt gengur þetta á áður en ég get byrjað að sinna vinnunni minni. Ég man ekki einu sinni eftir síðasta skiptinu sem ég settist niður og borðaði morgunverð. Það var líklega fyrir að minnsta kosti tveimur árum síðan.

Ég sleppi aldrei kaffibollanum mínum ~ hann er algerlega ómissandi í daglegu lífi mínu ~ en ég er byrjuð að leita að ýmsu sem ég get bætt inn í morgunvenjurnar til þess að gefa mér svolítinn aukakraft og forða mér frá því að vera glorsoltin í hádeginu. Máltíðardrykkirnir frá Herbalife Nutrition eru einmitt það rétta í þessu sambandi. Þeir gefa ekki bara kost á að búa til alls kyns mismunandi útgáfur til þess að forðast að þeir verði leiðigjarnir – þeir innihalda einnig fullt af próteini og vítamínum og eru mjög nærandi! Í dag ætla ég að spjalla um nýju bragðtegundina, gómsæta bananabragðið, og ávinninginn af því að bæta henni inn í vikudagskrána. Auk þess bendi ég á mismunandi útgáfur sem ég er hrifin af að blanda.

Formula 1 með gómsætu bananabragði…

Það fyrsta sem ég vil nefna, og við skulum horfast í augu við að það er einn mikilvægasti þátturinn, er að þetta er ofurfljótlegur máltíðardrykkur sem auðvelt er að útbúa. Þú skellir einfaldlega tveimur matskeiðum af Formula 1 dufti og 250 ml af mjólk í blandarann og þá er þetta komið. Ef þú vilt bæta einhverju aukalegu út í til þess að gera drykkinn enn saðsamari eða bragðbetri þá er það þitt val – en ef þú þarft virkilega að flýta þér bragðast hann vel einn og sér. Formula 1 býður upp á þægindi, gott bragð og næringu – allt í einum drykk.

Þú getur valið um að fá þér einn slíkan drykk í morgunmat, hádegismat eða jafnvel kvöldmat, ef þú vilt. Hann er nægilega nærandi til að koma í stað heillar máltíðar sem hluti af heilnæmu og vel samsettu mataræði. Ef þú tilheyrir þeim sem vilja vera duglegir að hreyfa sig, eins og fólk sem mætir í ræktina, veist þú líklega heilmikið um próteindrykki nú þegar. F1-máltíðardrykkirnir innihalda 18 g af próteini einir sér og svo er hægt að sérsníða þá með próteinduftinu frá Herbalife Nutrition til þess að gera próteininnihaldið einn meira.

Þú getur valið að nota slíka drykki sem hluta af aðhaldsmataræði ef þú ert að reyna að ná stjórn á þyngdinni eða þú getur einfaldlega bætt þeim inn sem einni af daglegum máltíðum þínum og þá sérstaklega ef þú hefur ekki tíma til að borða á morgnana. Formula 1 máltíðardrykkurinn inniheldur 25 vítamín og steinefni, þar á meðal D-vítamín sem stuðlar að eðlilegri starfsemi ónæmiskerfisins – og því er kjörið að drekka hann yfir veturinn þegar kuldatíðin hefst.

Hann inniheldur einnig C-vítamín, sem stuðlar að því að draga úr þreytu og lúa, og það er eitt af því sem skiptir mig mestu máli þegar ég borða morgunmat. Þú getur aflað þér ítarlegri upplýsinga um innihaldsefnin á vefsíðu Herbalife Nutrition.

 

Hvernig mér finnst hann góður…

Hvað viðkemur nýju bragðtegundinni, gómsæta bananabragðinu, þá finnst mér sjálfri bananar vondir en það besta við þennan máltíðardrykk er að bananabragðið er alls ekkert yfirgnæfandi. Tekist hefur að ná einmitt rétta jafnvæginu á bragðinu og mér þykir virkilega gott að drekka þennan drykk eldsnemma á morgnana eða um leið og ég hleyp út úr dyrunum! Ég er í rauninni ekkert hrifin af megrunarkúrum – ég reyni að borða eins hollan mat og ég get – en þegar ég reyni að bæta aðhaldi og hreyfingu inn í daglegar venjur mínar virðast áhrifin á magnið sem ég set á diskinn minn ekki endast lengi, svo ég reyni bara að gera eins mikið og ég get hér og þar…

Ég dekra við mig með fullt af sætu góðgæti yfir vikuna því ég tek trú mína á jafnvægi í mataræðinu alla leið. Ef ég fæ mér þennan máltíðardrykk seint um morguninn – rétt fyrir hádegismat – finnst mér því stundum gott að bæta út í hann matskeið af hunangi eða sírópi, einkum upp á síðkastið meðan mér hefur verið illt í hálsinum, því hunang er stórkostlegt til þess að hjálpa til við að losna við slím. Ef ég er að reyna að hafa lífsvenjurnar svolítið heilnæmari drekk ég hann venjulega einan sér með ferskri, kaldri mjólk eða bæti út í hann ferskum ávöxtum, chiafræjum eða dálítilli grískri jógúrt. Það er svo ótalmargt sem hægt er að bæta út í drykkinn til þess að gera hann kraftmeiri og enn saðsamari og ljúffengari!

Hefur hann gefið mér aukakraft?

Heldur betur! Ég get ekki lýst því hve notalegt það er að geta blandað slíkan máltíðardrykk á örskotsstundu á morgnana og finnast ekki eins og maginn sé að borða sig að innan um ellefuleytið. Eitt annað sem er frábært við þennan drykk er að þá daga sem ég þarf að fara í útréttingar á morgnana get ég hellt honum í ferðabollann minn og bara tekið hann með mér í bílinn, alveg eins og ég geri við kaffið! Hann gefur mér svolítinn aukakraft og kemur um leið í veg fyrir að ég verði svöng. Ég er nú kolfallin fyrir próteindrykkjum og ég get ekki beðið eftir að prófa fleiri bragðtegundir til þess að bæta inn í morgunvenjurnar.

 

Til að fá frekari upplýsingar um Herbalife Nutrition, vinsamlegast smelltu hér.

Til þess að skoða upprunalegt blogg frá Gemma Louise, vinsamlegast smelltu hér.